Приветствую Вас Гость | RSS


Главная Регистрация Вход
Меню

Block title
Block content

Статистика

Онлайн всего: 1
Гостей: 1
Пользователей: 0

Скачать



Главная » Архив материалов

   25 март көнне Кече Шыңар авыл мәдәният хезмәткәрләре  район күләмендә үткәрелгән зур чарада – Мәдәният хезмәткәрләре көненә багышланган бәйрәмдә катнаштылар. Кече Шыңар авыл мәдәният йортына 2014 ел эш нәтиҗәләре буенча “Иң яхшы эшләүче мәдәният йорты” исеме һәм 1 дәрәҗәдәге диплом , мәдәният йортының балетмейстеры Рабгетдинова Гөлсем Әхәт кызына  Саба муниципаль районының  Мактау грамотасы һәм акчалата бүләкләр тапшырылды.

Просмотров: 278 | Добавил: Glavapocelenya | Дата: 27.03.2015 | Комментарии (0)

     7 март көнне Кече Шыңар авыл мәдәният йортында Олы Шыңар урта мәктәбе укучылары һәм укытучылары, Олы Шыңар авыл җирлеге һәм мәдәният хезмәткәрләре катнашында Бөек Җиңүнең 70 еллыгы уңаеннан тыл ветераннарына медальләр тапшыру тантанасы булды. Тыл ветераннарына медальләрне Олы Шыңар авыл җирлеге башлыгы Рөстәм Фидаилевич Заһидуллин һәм “Туган як” күмәк хуҗалыгы җитәкчесе Мөхәммәтов Илфат Шәкурович тантаналы шартларда тапшырганнан соң, сүзне үзешчән сәнгать коллективлары алды. Кичә түгәрәк өстәл артында дәвам итте. Ветераннар хатирәләре белән уртаклаштылар, олы рәхмәтләрен җиткерделәр.

Просмотров: 269 | Добавил: Glavapocelenya | Дата: 11.03.2015 | Комментарии (0)

    "Туган як"  оешмасы җитәкчесе Гарипов Алмаз Габдулхак улы  үз гаризасы нигезендә эштән азат ителү сәбәпле, оешма  җитәкчесе итеп Олы Шыңардан Мөхәммәтов Илфат Шәкүр улы билгеләнде.

Просмотров: 214 | Добавил: Glavapocelenya | Дата: 14.02.2015 | Комментарии (0)

     13 февраль көнне Олы Шыңар авыл китапханәсендә (15 февраль) татар шагыйре, Советлар Союзы Герое Муса Җәлил туган көне уңаеннан ток-шоу үткәрелде. Әлеге бәйгедә Ә.А. Ахунҗанов исемендәге Олы Шыңар урта мәктәбе укучылары катнашты. Балалар шагыйрьнең тормыш юлы, иҗаты белән бәйле сорауларга җавап таптылар. Шулай ук аның танылган шигырь, җырлары яңгырады: “Җырларым”, “Ромашкалар”, “Сандугач һәм чишмә”, “Сәгать” һәм башкалары. Укучыларны бигрәк тә шагыйрьнең батыр һәм иҗатка гашыйк булуы җәлеп итте. Укучылар белән бу очрашу моңсу булса да, һәр катнашучы өчен ул файдалы булды.

Просмотров: 209 | Добавил: Glavapocelenya | Дата: 14.02.2015 | Комментарии (0)

     4 февраль көнне Олы Шыңар авыл китапханәсендә “Дөрес туклану-сәламәтлекнең нигезе” дигән викторина үткәрелде. Шулай ук төрле кызыклы уеннар да оештырылды. Укучылар белән дөрес туклану турындагы сорауларга җаваплар таптык, көнлек режим төзедек һәм шулай ук төрле начар гадәтләргә каршы көрәш турында да сөйләштек. Балалар белән бу очрашу, сөйләшүнең төп максаты балаларның сәламәтлеген дөрес итеп формалаштыру, начар гадәтләрдән арынырга булышу.

Просмотров: 279 | Добавил: Glavapocelenya | Дата: 04.02.2015 | Комментарии (0)

   17 январь көнне, дәресләрдән соң, 6 нчы сыйныф укучылары сыйныф җитәкчеләре белән берлектә, кышкы табигатькә экскурсия ясадырар. Алар кышкы табигатьнең матурлыгына сокланып , рухи азык алып кайттылар.   

   Балаларда кышкы табигатькә әнә шундый мәрхәмәтле карашны, табигатьнең матурлыгын тоя белүне әкренләп аны яклый, саклый белүне кечкенәдән үк тәрбияләүдә зур эш алып барыла.

 

Просмотров: 628 | Добавил: Glavapocelenya | Дата: 21.01.2015 | Комментарии (0)

    Мәктәпнең "Таң" балалар оешмасында тимурчылык эше дәвам итә. 14 январь көнне "Кыңгырау" отряды варислары сыйныф җитәкчесе Мөбарәкова Г.Р. һәм педагог-оештыручы Шәрифуллина В.М. белән берлектә өлкәннәргә шефлык оештырды. Тимурчыларның капка төпләрен кардан чистартып киткәнен өлкәннәр сизми дә калды. Игелек эшләүне дәвам итик! Кешегә бер яхшылык эшләсәң, үзеңә мең булып кайтыр.  

Просмотров: 443 | Добавил: Glavapocelenya | Дата: 21.01.2015 | Комментарии (0)

    Бүген "Йолдызчык" отрядында "Галстуклы балачак" темасына отряд җыены узды. Җыенда эзтабарлар электрон презентация аша мәктәпнең "Таң" балалар оешмасы эшчәнлеге белән якыннанрак таныштылар, эзтабар кагыйдәләрен искә төшерделәр, яңа уеннар өйрәнделәр. Галстукны дөрес һәм тиз бәйләүчене ачыклау җыенны тагын да җанландырды. "Лошади скачут...", "Исәнме, дус!", "Мин кем?" уеннары да балаларга бик ошады.  "Нәрсә югалган?" дип аталган уенда Мөхетдинов Рәзил иң игътибарлысы булды. Җыен, гадәттәгечә, "Очкын җибәрү" белән тәмамланды. 

Просмотров: 286 | Добавил: Glavapocelenya | Дата: 21.01.2015 | Комментарии (0)

2015 елның 20 гыйнвар көнне Олы Шыңар авыл җирлеге башлыгы Рөстәм Заһидуллин  2014 елда эшләнгән эшләр буенча халык алдында отчет тотты. Әлеге халык белән очрашу җыелышына Саба район башлыгы Рәис Минниханов, район башкарма комитеты җитәкчесе Равил Гасимов, район башлыгы урынбасары Расих Закирҗанов, Саба районы прокуроры Рөстәм Салахов килгәннәр иде.

Көн тәртибе нигезендә түбәндәгеләр каралды:

  1. Авыл җирлеге башлыгының отчеты
  2. Участок вәкәләтлесе,  полиция майоры Рөстәм  Садриевның отчеты
  3. Төрлеләр. 
Просмотров: 247 | Добавил: Glavapocelenya | Дата: 21.01.2015 | Комментарии (0)

   8 гыйнварда Олы Шыңар авыл китапханәсендә “Сканвордлар дөньясында” дип исемләнгән  сканвордлар сәгате үткәрелде. Билгеле булганча сканвордлар чишү хәтерне яхшырта, баш эшчәнлеген тизләтә. Кышкы каникуллар вакытында, балаларның ялын файдалы итеп үткәрү өчен бу иң яхшы ысул. Балалар өчен сканвордлар гына түгел төрле кроссвордлар, ребуслар, анаграммалар, шарадалар, лабиринтлар, шулай ук төрле уеннар һәм викториналар әзерләнгән иде. Катнашучыларга әлеге чара бик ошады, шулай ук җиңүчеләр дә билгеләнде, аларга истәлекле бүләкләр тапшырылды.

Просмотров: 268 | Добавил: Glavapocelenya | Дата: 13.01.2015 | Комментарии (0)

1 2 3 ... 44 45 »
Форма входа

табарга

Календарь
«  Январь 2020  »
ПнВтСрЧтПтСбВс
  12345
6789101112
13141516171819
20212223242526
2728293031

Плеер

Block title
Block content

дуслар
Block content


  Nurline & Shinar.ru © 2020
Tatarstan.Net - все сайты Татарстана  Каталог сайтов