1 сентябрь "Белем бәйрәме” иртәнге сигездә Оет авылы башлангыч мәктәбендә укучы балаларның чыгышы белән башланып китте. Оет мәктәбенә, беренче сыйныфка быел 3 укучы килде. Аларны беренче тапкыр, беренче сыйныфка укырга килүләре белән тәбрик итәргә Олы Шыңар авыл җирлеге башлыгы Рөстәм Заһидуллин һәм Олы Шыңар урта мәктәбе директоры Альфред Хабибуллин бүләкләр белән килгәннәр иде.
Олы Шыңар урта мәктәбендә белем бәйрәме сәгать 9да башланып китте. 1 нче сыйныфка укырга керүче 9 укучыны котларга, авыл җирлеге башлыгы Рөстәм Заһидуллин, "Туган як” хуҗалыгы җитәкчесе Алмаз Гарипов, Саба район үзәгеннән кунаклар Венера Адлеровна белэн Исмәгыйль Мөхетдинов килгәннәр иде. Бәйрәм күңелле концерт номерлары белән үрелеп барды.
Главная 
