Менә 5 ел рәттән Шыңар авылы яшьләре авылдашларын үзләренең чыгышлары, матур концерт- тамаша белән куандыралар. Кече Шыңар авыл мәдәният йортында оештырылган юбилей концерты өр-яңа җыр,биюләргә,кызыклы хәлләргә,сюрпризларга бай булды. Җырчылар – Лилия Мусина, Чулпан Хуҗиәхмәтова, Рисәнә Сафина, Искәндәр Набиуллин, Илфир Мөхәммәтов, Альбина Ганиева, Ильшат Ибраһимов, биючеләр-Сөмбел Билалова, Илүсә, Зөһрә Касыймова, Сиринә Шаһиева, Лилия Шәрифуллина, Фәнүзә Садыйкова, Динара Муллахмәтова безне тагын бер кат куандырдылар, ә инде Казан музыка көллиятен тәмамлап, хәзерге вакытта «Яңа гасыр» теле-радио компаниясендә эшләүче Гөлфинә Султиеваның җырларын тамашачы аеруча яратты, алкышларга күмде, шулай ук төрле уеннарда катнашып, барлык чыгышларны җылы кабул итеп, кабат очрашуларга өметләнеп таралышты.
Главная 
