8 июнь көнне Олы Шыңар авылы болынында, Мишә елгасы буенда, татар халкының күркәм бәйрәме сабантуй бәйрәме булып үтте. Һава торышы кояшлы, җылы булганлыктан, бәйрәм кунаклары да күп  иде. Бәйрәмне иң элек Сабантуй  бәйрәмен оештыру комиссиясе рәисе Рөстәм Заһидуллин котлау сүзләре белән башлап җибәрде. Аннан мәйданның төп флагын  чәчү батыры белән  кыр батыры күтәрде. Шыңар Сабантуеның кунагы Татарстан Республикасы спорт министры урынбасары Олы Шыңар егете Хәлил Шәйхетдинов барлык көрәшчеләргә “Саба батырлары” дип аталган китап бүләк итте. Сабантуй кичкә кадәр җыр, бию һәм уеннар белән үрелеп барды, ә Сабантуйның абсолют батыры булып – Олы Шыңар егете Рафис Хаҗиев танылды.