"Каз өмәсе”- татар халкының иң борынгы йолаларының берсе буларак бүгенге көнгә кадәр сакланып килә.18 ноябрь көнне Олы Шыңар "Әллүки”балалар бакчасында үткәрелгән бәйрәм моның ачык мисалы.Тәрбиячеләр һәм бәйрәм кунаклары балаларның көянтәләргә каз элеп су буеннан кайтканнарына,малайларның гармуннар белән аларны озата баруларына,”Йөзек салыш”,”Каурый алыш” кебек уеннарны күңелле итеп уйнауларына сокланып карап утырдылар,тагын бер кат яшьлекләренә кайткан кебек булдылар. Бәйрәм бик күңелле узды,ахырдан барлык катнашучылар һәм балалар тәмле каз коймагы белән сыйландылар.