28 ноябрь көнне Шыңар урта мәктәбендә район педагог-оештыручылары өчен "Балалар оешмасы эшчәнлегендә күмәк-иҗади чаралар төрлелеге" темасына семинар узды. Семинарда педагог-оештыручы Шарифуллина  Вәсимә Мансур кызы  6 нчы сыйныф варислары белән "Ихлас күңелдән, үзем турында-үзем" темасына отряд җыены һәм "Әни - җирдә иң зур кеше" дип аталган сыйныфтан тыш чара үткәрде.  Шулай ук әлеге көнне информатика укытучыларының район семинары да уздырылды. Семинар темасы "Укучыларның информацион куркынычсызлыгын тәэмин итү". Семинар барышында информатика укытучысы Ахметов Айдар 9 нчы сыйныфлар белән ачык дәрес күрсәтте.