4 октябрь көнне Кече Шыңар мәдәният йортында  50 ел һәм 60 ел бергә гомер итүче, шатлыкларын да, кайгыларын да бүлешеп гомер көзләренә бергә килеп җиткән   парларны хөрмәтләү кичәсе булды. Олы Шыңар авылыннан Гайфуллин Гарифулла абый, Миңсорур апа;Кече Шыңар авылыннан Шәрипов Рафаэль абый,Мөнәвәрә апа; Чулпыч авылыннан Ханов Рифкать абый, Руза апа; аларның балалары,оныклары – кичәбезнең төп кунаклары булдылар.Тормыш юлында нинди генә хәлләр очрамаган -шатлыгы да,хәсрәте дә,сөенече дә.Ләкин алар бүген бик бәхетле. Чөнки гомерләре заяга узмаган-җиргә нык басып яшәгәннәр,тырышып эшләгәннәр,һәрберсенең тормышлары түгәрәк.

    Кичә барышында алар төрле кызыклы вакыйгаларны искә төшерделәр, сорауларга җаваплар бирделәр.Ә балалары,оныклары,туганнары  һәм үзешчәннәр исә,аларга изге теләкләрен,тәбрикләү сүзләрен җиткерделәр,җыр һәм биюләр аша үзләренең музыкаль сәламнәрен  тапшырдылар.