Олы Шыңар фельдшер–акушерлык пунктында диспансеризация булып үтте. Олы Шыңар, Кече Шыңар һәм Түлешкә авылында яшәүче 42 кеше авыл медицина пунктында тикшерү уздылар. Алар иң элек анализлар биреп, УЗИ һәм электрокардиограмма тикшеренүе үттеләр. Аннан соң акушер–гинеколог, күз табибы һәм терапевтта тикшеренделәр. Әлбәттә, авыл үткәрелә торган мондый медицина тикшеренүләре авыл халкына, бигрәк тә өлкән яшьтәгеләргә, бик уңайлы.