"Туган" ачык акционерлык җәмгыяте отчет җыелышы - 5 Февраля 2014 - Официальный сайт Шинарского сельского поселения Сабинск

1 февраль көнне Олы Шыңар авылы мәдәният йортында "Туган як” ААҖнең чираттагы еллык отчет җыелышы булып узды. Төп көн тәртибе нигезендә "Туган як” оешмасының җитәкчесе Алмаз Гарипов еллык эшчәнлеккә хисап тотты. Җыелышта шулай ук Саба муниципаль районы авыл хуҗалыгы идарәсе начальнигы Гафур Хәсәншин да катнашты. Гафур Шәйхулла улы үзенең чыгышында Саба районының чиста авыл хуҗалыгы районы булуын ассызыклап үтте һәм, шунлыктан, авыл хуҗалыгындагы уңышларның районның төп күрсәткечләренең берсе икәнен онытмаска кушып, алда торган язгы чәчү эшләрендә уңышлар теләде.