15 февраль көнне  Кече Шыңар авыл мәдәният йортында Әфганстан җирендә хәрби бурычын үтәгән Әгъзәм абый Хаҗиев белән очрашу кичәсе булып үтте. Кичәдә Олы Шыңар, Кече Шыңар һәм Чулпыч авылыннан Әфганстанда хезмәт иткән егетләрнең әти-әниләре дә катнаштылар. "Солдатка озату” күренеше белән башланып киткән кичә җыр-биюләр һәм балалар чыгышлары белән дәвам итте. Әгъзам абый үзенең хатирәләре белән уртаклашты. Соңыннан аралашу чәй өстәле артында дәвам итте.