9 нчы сентябрь көнне Олы Шыңар авылы мәдәният йортында халык җыены булды. Җыенда Саба муниципаль районы Башкарма комитеты җитәкчесе Р.М. Гасимов катнашты. Көн тәртибендә авыл җирлеге башлыгы Р.Ф.Заһидуллин халыкны 2009-2014нче елларда авыл җирлеге буенча башкарылган эшләр белән таныштырды. Р.М.Гасимов шушы чор эчендә республика һәм райондагы социаль-икътисади үсешкә анализ ясады. Халыктан кергән сорау һәм тәкъдимнәр тыңланды. Соңыннан Саба мәдәният йорты үзешчәннәре концерты булды.