29 ноябрь көнне Кече Шыңар авыл мәдәният йортында Әниләр көненә багышланган бәйрәм кичәсе булып үтте.Кичәнең беренче өлеше – «Хәерле юл сезгә,егетләр!» дип аталды.Безнең кунакларыбыз – солдат аналары һәм әле генә хәрби хезмәттән кайткан Фәрит Ханнанов, солдатка китәргә  әзерләнүче Набиуллин Нияз, аларның  әти-әниләре катнашты.Олы Шыңар авыл җирлеге башлыгы Р.Ф.Заһидуллинның чыгышыннан соң сүзне туганнары,әти-әниләре һәм сыйныфташлары алды.Икенче өлеш – балалар концерт программасы белән дәвам итте. 

     28 ноябрь көнне  Кече Шыңар авыл мәдәният йортының «Нур» халык театры үзенең мактаулы исемен тагын бер кат раслады.Казаннан килгән комиссия алдында 3 коллектив чыгыш ясады:кечкенәләр төркеме Ф.Яруллинның «Сөрмәкүз»әкияте;уртанчылар төркеме Ф.Яруллинның «Хәзинә» әсәре, зурлар төркеме Хәй Вахитның «Кияүләр» спектакле һәм «Наза»фольклор коллективы «Кичке уен» белән.Коллективлар сынауны уңышлы  үттеләр.