Быел "Бердәм Россия” партиясе Татарстан төбәк бүлеге "Идел” – граҗданлык университеты проекты кысаларында партия активын укытуны башлап җибәрде. Уку барышында Татарстан төбәк бүлеге партия активы агымдагы елның май аенда Татарстан Республикасы Казан Федераль Университеты Дәүләт һәм муниципаль идарә институтында теоретик белемләр үзләштерделәр.Сентябрь аенда проект дәресләренең икенче өлеше Әлмәт районында дәвам итте. Уку барышында "Бердәм  Россия” активы Республика Премьер министры Ильдар Халиков, Дәүләт Советы рәисе Фәрит Мөхәммәтшин белән очрашып, үзләрен кызыксындырган сорауларга җавап алдылар. Саба районыннан Олы Шыңар авыл җирлеге башлыгы Рөстәм Заһидуллин һәм партиянең Саба җирле бүлеге әйдәп баручы белгече  Камил Хисамиев муниципаль идарә , хәзерге сәяси процессның үсеше темаларына белемнәрен арттырып кайттылар.