Җаваплылыгы чикләнгән “Туган як” җәмгыятенә аяк басуга, игътибарны иң элек тигез рәткә тезелгән комбайннар җәлеп итте.

- ГОСТ таләбенең бөтен шартына туры китерергә тырыштылар комбайнчылар, диде хужалыкның баш инженеры Илдус Шагиев.

Чөнки кыр эшләрендә катнашкан һәр техника акт белән кабул ителә, шунсыз хезмәт хакы түләнми”.

Дөресән дә, техниканы кышкы саклауга куюда игенче-механизаторлар тарафыннан зур ырышлык күренә. Комбайннарның көпчәкләренең резина өлешләре, гидросистема шлангалары, һава суыру һәм төен чыгару торбаларының һәммәсе яңгыр сулары үтмәслек итеп полиэтилен белшн яхшылап төрелгән. Двигательләр калайдан ясалган махсус тартмалар белән капланган. Авыл хужалыгы тагылма агрегатлар да,юылып жирдән күтәрелеп, тәгәрмәчләре акшарланып куелган. “Саба” жәмгыятенең “Сатыш” филиалы “Оет” бригадасы паркында да техникага кадер артуы сизелә башлады. Бу бригадада быел урып-жыюда бер генә комбайн катнашты. Аны кышкы саклауга куюның барлык таләпләре үтәлгән, әмма ургычының пычаклары гына салдырылмаган килеш калган. Авыл хуҗалыгы тагылма  агрегатларны киләсе ел уңышы өчен әзерләргә керешкәннәр. Остаханәдә тракторчы Хәмит Гайнединов үзе эшләгән чәчкеч агрегатын ремонлый иде.

- Көннәр салкынайта башлагач, осаханәне электр кушып жылытып алабыз. Тәрәзәләрен пленка белән төрәбез, - ди бригада житәкчесе Алмаз Гарипов.