8 июнь көнне Саба сабантуен, район башлыгы Рәис Миннеханов бүләкләүне 2013 елның "Сабан батыры” исемен
алган Олы Шыңар авылыннан, бүгенге көндә "Туган як” хуҗалыгында эшләүче Рафаэль
Хәйбриевтан башлады. Рәис Нургалиевичны Рафаэль абый хуш исле
күмәч һәм тоз белән каршы алды.
Халык тарафыннан иң яратып каралучы
ат чабышы ярышларында, гади атлар арасында Шыңар авыл җирлегеннән 4 ат катнашты. Беренче
урынны Олы Шыңар авылыннан "Лысый” кушаматлы ат белән Асадуллин Рәсим, икенче
урынны Кече Шыңар авылыннан Рүзәл
Рахматуллин алдылар. Шулай ук иң яшь чабышкычы Олы Шыңар авылыннан (14 яшь)
Рәдис Асадуллинда аерым бүләккә лаек булды.
Сабантуйның күрке саналган көрәштә,
укучылар арасында абсолют батыр булып Кече Шыңар авылыннан Нияз Зарипов
калды һәм тәкә белән бүләкләнде.
|