29 ноябрь көнне Кече Шыңар авыл мәдәният йортында әниләр көненә багышланган бәйрәм кичәсе булып үтте. Кичәгә күп еллар сыер савучы булып  эшләп пенсиягә чыгучы Асия апа, Дания апа, Алмадия һәм Әлфия апаларны һәм солдат әниләрен кунак итеп чакырдык. Шулай ук декабрь аенда хәрби хезмәткә китүче Галимов Рүзәл һәм Загидуллин Рәмис, аларның гаиләләре дә бәйрәмдә катнашты. Кичә котлау чыгышлары һәм концерт номерлары белән үрелеп барды.