30 сентябрь көнне Олы Шыңар авылы мәдәният йорты фоесына әзерләнгән чәй табыны артына  авыл Советында баш бухгалтер булып эшләп лаеклы ялга чыккан  Гарифуллина Гамбария Мөхәммәт кызы, җыештыручы – Латыйпова Гайшәбикә Мостафа кызы, авыл Советы рәисе – Гарипов Гаптелхак Минлехан улы, авыл Советы секретаре – Гимадиева Мәгмүрә Гимади кызы, китапханә җыештыручысы – Сахипова Илхамия Сәхип кызы, китапханәче – Ибрагимова Әминә Ибраһим кызы, мәдәният йорты җыештыручысы – Нигматҗанова Найлә Мостафа кызы, оператор – Кадыйров Рамазан Әхәт улы чакырулы иде. Килгән пенсионерларны авыл җирлеге башлыгы котлап сүз алды. Ул үзенең чыгышында өлкәннәрнең иң авыр вакытлардагы хезмәтләре өчен чиксез рәхмәтләрен белдерде, һәм аларның куйган хезмәтләре, бүгенге җитеш тормышка ачкыч булуын ассызыклады.

   Өлкәннәрне мул табын артында төрле кызыклы уеннар, җырлар, биюләр белән Кече Шыңар мәдәният йорты хезмәткәрләре күңелле ял иттерделәр. Инде пенсионерларыбызның  күптән чәчләренә ак ингән, авыр хезмәттә сәләмәтлекләре какшаган булсада, алар бер генә көнгә үзләренең яшьлекләренә кайтып килделәр, бу көнне.

“Икенче елга да исәнлектә очрашырга язсын иде, әй рәхәттә соң тормышлар”  – диделәр, бертавыштан өлкәннәребез саубуллашканда.