Кече Шыңар авылы күпер ремонты - 21 Сентября 2009 - Официальный сайт Шинарского сельского поселения Сабинск

Шушы көннәрдә Кече Шыңар авылы күперендә барган ремонт эшләре төгәлләнде. Ремонтны шушы ук авыл егетләре Вафин Рамил, Тимуршин Салават һәм Гилметдинов Р.лар башкарды. Язгы ташу вакытында кар сулары күпернең нигезен ашап, буйга салынган трубалар тотанаксыз калып күпер авария хәлендә калган иде. Менә ниһаят җитәрлек күләмдә төзелеш материаллары туплану белән күпернең нигезе булган өлеш яңадан цемент белән катырып трубаларга тотанак ясалды. Шулай ук күпернең як ягыннан тотынгыч – саклавычлар (перила) ябыштырылды һәм матур итеп буялды, күпернең өске өлешенә 50 тонна вак таш түшәлде, яңгыр- кар суларына агар өчен экскаватор белән ерганаклар ярылды. Инде су юлына үсеп су юлын борган агач киселгәч, “Күпергә кояшта төшә башлады хәзер” – дип зур рәхмәтләрен җиткерде авылның аксакалы Алберт абый Вафин. Ә инде төзелеш эшләре төгәлләнгәч авыл җирлеге Советы һәм мәдәният йорты хезмәткәрләре су буенда чисталык буенча өмә үткәрделәр.