Ярый әле Сез бар дөньяда! - 10 Марта 2010 - Официальный сайт Шинарского сельского поселения Сабинск

Менә шундый шигырь юллары белән башланып китте мәдәният йортында 8 март-Халыкара хатын – кызлар көненә багышланган бәйрәм концерты. Ир - егетләр "Тылсымчы” булып төрле могҗизалар ясаганнан соң, гүзәл затларыбызга багышлап җыр башкардылар. Сәхнәгә бер-бер артлы төрле алып баручылар һәм концерт номерлары чыга торды. Ике әбине аеруча якын итте тамашачы, аларның мәзәк хәлләргә очравыннан рәхәтләнеп көлде. Менә көнчыгыш музыкасы яңгырый. Сәхнәгә Чулпан-Шаһрезадәнең килеп чы- гуына шаккатты Искәндәр. Кыз кияүгә чыккач иренә көн саен бию бүләк итәчәк икән, ә егет үз чиратында булачак хатынын өрмәгән җиргә дә утыртмаячак, дип белдерде. Хатын-кызларыбызга багышлап аерым җырчылар бик матур җырлар башкардылар, төрле яшьтәге биючеләр тынып тормады. ”Фураж ” һәм "Кыстыбый” - дип аталган кызыклы күренешләрне караганда халык рәхәтләнеп күңел ачты. Хатын-кызлар вокаль ансамбле, фольклор коллектив чыгышы, нәфис сүзләр бер-бер артлы үрелеп барды. Алып баручыларыбыз Хания белән Радик узләренең иң изге теләкләрен җиткергәннән соң, концерт, барлык башкаручылар катнашында "Якын дусларсыз калмыйк” дип аталган финал чыгышы белән тәмамланды.