1нче октябрь көнне Олы Шыңар авыл җирлегеннән 50 ел бергә торган, 9 алтын парны Саба район мәдәният йортында район башлыгы Рәис Миннеханов котлап истәлек бүләкләре тапшырды. Бу көнне, мәдәният йортының спорт залында өлкәннәрне, тормыш юлларын чагылдырган күргәзмә белн чәй табыны каршы алды. Шулай ук сәхнәдә юбилярларны үзләре эшләп лаеклы ялга чыккан оешма җитәкчеләре дә котлап кыйммәтле бүләкләр тапшырдылар.
Кич белән Кече Шыңар мәдәният йортында өлкәннәрне котлау дәвам итте. Кичәне авыл җирлеге башлыгы ачып җибәрде. Өч сәгать дәвамында алтын парларны мәдәният хезмәткәрләре ял иттерде. Аларны котларга өлкәннәрнең балалары, оныклары күпләп кайтканнар иде.
Олы Шыңар авыл җирлеге буенча 50 ел бергә тигез тормыш белән гомер кичергән алтын парларның исемлеге:
Кече Шыңар авылыннан Cахипов Мансур белән Сахипова Мусабарә, Гайнанов Хәбир белән Гайнанова Факихә, Гайнуллин Госман белән Гайнуллина Альфинур, Олы Шыңар авылыннан Касыймов Сәлимгәрәй белән Касыймова Миннегөл, Сабиров Васыйл белән Сабирова Миннесәвия, Закиров Хәйдәр белән Закирова Мусавирә, Галиев Нурыйззан белән Галиева Тәнзилә, Оет авылыннан Шакиров Рафыйк белән Шакирова Найлә, Нурмиев Җәмил белән Нурмиева Вазиха.
| 
Главная 
