2 октябрь көнне мәдәният йортында 50 ел бергә гомер итүче,илле ел буе шатлыкларын да,кайгыларын да бүлешеп гомер көзләренә бергә килеп җиткән алтын парларны хөрмәтләү кичәсе булды.Олы Шыңар авылыннан Сөләйманов Мәсгуть абый, Гамбәрия апа; Садыйков Әсгать абый, Раилә апа; Кече Шыңар авылыннан Галимов Әсгать абый, Мияссәр апа; Гарипов Мандут абый, Сәвия апа; Маликов Нәҗип абый, Фәния апаларның балалары, оныклары – кичәбезнең төп кунаклары булдылар. Тормыш юлында нинди генә хәлләр очрамаган-шатлыгы да, хәсрәте дә, сөенече дә, ләкин алар бүген бик бәхетле. Чөнки гомерләре заяга узмаган-җиргә нык басып яшәгәннәр, тырышып эшләгәннәр, һәрберсенең тормыш- лары түгәрәк. Кичә барышында алар төрле кызыклы вакыйгаларны искә төшерделәр, сорауларга җаваплар бирделәр. Ә балалары, оныклары, туганнары һәм үзешчәннәр исә, аларга изге теләкләрен, тәбрикләү сүзләрен җиткерделәр, җыр һәм биюләр аша үзләренең музыкаль сәламнәрен тапшырдылар.
3 октябрь,2010 ел. Ф.Садыкова
|
Главная 
