Районыбызда Чәбия-Чүрчи, Түлешкә, Өчиле, Сабай кебек кечкенә авыллар байтак. Менә шуларда туып-үсеп, төрле төбәкләргә таралган һәм үзләренең үрнәк тормышлары һәм тырыш хезмәтләре белән хөрмәт казанган фидакарь затларыбыз да шактый. Бу язмада аларны санап тормыйча, кечкенә авылларның берсе булган Чулпыч егете, милли көрәш буенча Татарстанның спотр остасы Васыйл Зәйнуллин турында язасым килә.

Ул терлекчелектә эшләп, тыйнак кына гомер итүче Әлтәф абый белән Мәүлетбикә апа гаиләсендә дөньяга килә. Кечкенәдән  хәрәкәтчәнлеге, белемгә омтылуы белән дүрт бала арасында аерылып тора. Беренче күнегүләрен физкультура укытучылары Илдус Мөхәммәтгалиев белән Фәннүр Галимов җитәкчелегендә ала.

-         Ул елларда спорт белән шөгыльләнүчеләр залга сыймый иде. Остазларымнан һәм өлкәннәрдән күреп, турникта тартылырга, гер күтәрергә, чаңгыда йөрергә һәм, әлбәттә инде, көрәшергә өйрәндем, язгы-көзге пычракта да, кышкы буран-суыкта да өч чакырымлы Чулпыч-Олы Шыңар арасын йөгереп үтә идем. Киләчәк тормышымда чыныгуларның файдасы күп тиде, -дип искә ала Васыйл.

Мәктәпне тәмамлагач, фәкать үз тырышлыгы һәм белеме белән Казан дәүләт төзелеш-архитектура академиясенә укырга керә ул. Тырыш, физик яктан көчле, җитез егет татарча көрәш белән яратып шөгыльләнә, спортның җиңел атлетика һәм гер күтәрү кебек төрләрен дә якын итә. Өч чакрымга йөгерү буенча үзе укыган югары уку йорты чемпионы була. Ә гер күтәреп яулаган уңышлары күпләрне көнләштерерлек Васыйлның. Биш мәртәбә студентлар арасында республика чемпионатын, биш тапкыр Казан шәһәре беренчелеген ота, район һәм авыл Сабантуйларында мактаулы урыннарны ала. Остазы А. Гаршенин җитәкчелегендә студентларның Бөтенроссия ярышларында уңышлы чыгыш ясавы, Ф.Сәлахиев, Җ.Шакиров, И.Стекольников кебек осталар белән бергә күп бәйгеләрдә катнашуы аңа гер спорты буенча мастерлыкка кандидат нормасын үтәргә мөмкинлек бирә.

Васыйл милли көрәш белән шөгыльләнүен дәвам итә. Төрле елларда биш авырлык үлчәвендә чыгыш ясап, берсеннән-берсе матур нәтиҗәләргә ирешә.

Шыңар, Оет авыллары, Саба, Казанның Вахитов районы Сабантуйларында күркәм урыннарны яулый, күрше Ульяновск һәм Оренбург өлкәләре ачык чемпионатында җиңә. Татарстан һәм Россия беренчелеге ярышларында да матур көрәш алымнары күрсәтеп, иптәшләренең һәм тамашачыларның ихтирамын яулый.

Традицион сорауга болай дип җавап бирде милли көрәш буенча Татарстанның спорт остасы, бүгенге көндә гаиләсе белән Казанда яшәүче Васыйл Әлтәф улы: