Зур рәхмәт.
Ә менә Булат Шакирдан шикләнүегез урынлы. Тәнкыйть - кәнфит түгел бит.

Хөрмәтле шыңарлылар! Сайтыгызда кунакта булдык, бик ошады! Рөстәм әфәнденең тыгыз эш арасында да вакыт табып, шундый сайт булдыруы мактауга лаек. Сайтны алып бару өчен күп вакыт, хезмәт һәм белем кирәк. Шыңарлыларны шундый уңган җитәкчеләре булу белән чын-чынлап котларга була. Кызганыч, безнең сайтка вакыт һәм үҗәтлек җитми. Рөстәм әфәнде! Дәрт-дәрманыгыз кимемәсен, сайтыгыз озын гомерле булсын!
P.S. Русча язмакчы идек, Булат Шакирдан кисәтү алырбыз дип шикләндек...

Укос молодец, баш хәтле реклама урнаштырган хәзер. Киләчәктә ярты битне алмаса ярый инде.

Сайтта кунак булуыгызга мин бик шат. Әгәр сайтны тулыландырырга Сез миңа материаллар бирә алсагыз, минем өчен зур ярдәм булыр иде.
ИҺтирам белән Рөстәм Заһидуллин.

Бик заманча һәм туган ягыбыз тарихын, көнкүрешен бай яктырткан сайт.МОЛОДЦЫ!!!

Оет авылы әбиләре үзләрен шушылай зурлап ,хөрмәтләп кунак итүләре өчен ,шушындый рәхәт тормышта яшәвебез өчен иң башта Аллаһ Тәгаләгә,хөкүмәтебезгә,район җитәкчеләренә,Олы Шыңар җирле үзидарә җитәкчесе Рөстәм Фидаилевичка,укытучыларыбызга,анда катнашкан барлык кешеләргә,укучы балаларга зур рәхмәтләрен җиткерәләр.Рәхмәт яусын Сезгә!Сау-сәламәт ,бай ,матур тормышта яшәгез.

Мин үземдә сүз көрәштерергә, киңәш бирергә һәм кеше тәнкыйтләргә бик - биктә яратам. Чөнки эш шундый. Әммә шуны беләм, укытучы кеше белән сүз көрәштерү ул ахмаклык булыр иде. Ә инде банер өчен олы рәхмәтемне белдерәм.
Исем отчествога килгәндә , меню да главный (төп) биттә барысыда бар. Рәхим итегез!

Бик зур рәхмәт безнең адреска әйтелгән җылы сүзләрегез өчен. Чыннан да сайт ясап куюның берние дә юк. Ә менә аны яңартып тору күп хезмәт сорый. Әлбәттә башлангыч мәктәп өчен булдыра алган кадәр эшләргә тырышабыз. Ни әйтсәң дә бездә материал тупланышы урта мәктәпләрнекеннән азрак, ләкин урта мәктәп сайтларына кереп, төзелгән һәм ташланган сайтларны күргәч әллә ничек уңайсыз булып китә. Менә сезнең сайтны да хәзер көндә күзәтәм. Көн саен тулылануын күрү үзе үк җанга сары май булып ята. Һәм бу сайт кайдандыр өстән кушу буенча түгел, ә менә нәкъ үз авыл җирлеге өчен янып, аның тарихына, хәзерге һәм киләчәк тормышына битараф булмаган кеше тарафыннан алып барылганы әллә кайдан күзгә ташлана. Афәрин! дип кенә әйтәсе кала. !

Дөресен әйтергә кирәк, минем Шыңар авыл җирлеге сайтын булдырырга инде күптән хыялым бар иде. Шул пыскып яткан хыялны дөрләтеп, хыялымны тормышка ашыруга төп сәбәп Мишәбаш авылы сайты булды. Мин шунлыктан Сезне бик иһтирам итәм, һәм Сезнең фикерләрегезне алга таба эш барышында искә алып эш итәрмен дип уйлыйм.
Ә инде Мишәбаш авылы сайтына килгәндә, Сез булдыргансыз. МОЛОДЦЫ!!! Күп кенә олы авылларның әле сайт булдыру турында хыялары да юк. Сайтны булдыру гына түгел, аны һәрдаим тулыландырып тору ул чиксез тырышлык сорый. Мин үз чиратымда Сезгә зур рәхмәт әйтәсем килә, һәм барлык мәктәп җитәкчеләредә Сезнең кебек тырыш булсыннар иде дигән теләктә калам.

Әлбәттә фикерегез нигезле кебек. Тик авылыгыздан чыгып киткән кеше татар телен оныткан икән, димәк аның Туган ягына, туган авылына һәм инде туган теленә ихтирамы шуның кадәр генә дип әйтергә дә була бит, миңа калса. Мине үз фикерен көчләп тага дип зинһар уйлый күрмәгез тагын. Әлбәттә сайтыгыз ике телдә барса да зыян юк билгеле барыбыз да ике телдә дә аңлыйбыз. Тик ни әйтсәгез дә һәр чиста татар сайты өчен мин шәхсән үзем горурланам. Югыйсә көннәр буе инетта актарынасың 3-4 татар сайтыннан артык сайт таба алмыйсың.Һәм минем яктан бер кимчелек мин сезнең җирлектә татарлар гына яши дип беләм, катнаш авыллар бар икән сезнең сайтның икетелле булуы үзен тулысынча аклый. Һәм гомумән Саба районында тагын бер сайт арту күңелне сөендерә. Тырышлыгыгыз бушка китмәс ,алла боерса, аралашып , ярдәмләшеп яшик!

Хөрмәтле Булат Шакир!

Зур рәхмәт сайтта кунак булып үз фикерләрегезне җиткергәнегез өчен.
Ә инде сайтны тулысынча татарчалаштырып бетерүгә килгәндә, без Татарстан Республикасында дәүләт теле булып рус һәм татар телләре торуын истә тотып эш итәбез. Игътибар итсәгез сайтта татар теленә урын күбрәк бирелә. Сайтның конструкциясе рус телендә эшләнеп, шулай ук рус телендә басмалар булдырып мин, авылдан күптән чыгып киткән авылдашларыбызга һәм Шыңарлылар белән кызыксынган, татар телен начар аңлаган кешеләргә уңайлырак булсын дип эшлим.
Иһтирам белән Рөстәм Заһидуллин.

Хөрмәтле Шыңарлылар! Сайтыгызда кунакта булдык, безгә бик тә ошады. Инде татар телле сайтларның аз булуын һәм туган телебезне интернетта пропагандалау зарурлыгын истә тотып сайтыгызны тулысынча татарчалаштырып бетерерсез дигән өметтә калабыз. Ихтирам белән Булат Шакир.

Кризис-это как обтягивающие джинсы на полной девушке. Вроде все нормально, но такая задница!..

Классный сайт)
Прикольно придумано